Higjena e kavitetit të gojës është një nga masat më të rëndësishme për ruajtjen e shëndetit të dhëmbëve, që ka të bëj me heqjen e pllakës dhëmbore dhe mbajtjen pastër të sipërfaqeve të dhëmbëve. Kjo është një metodë e njohur që në kohët e lashta, duke përdorur instrumenta të domosdoshme për këtë qëllim, si thupra të drunjta të ndara në fund në formën e furçës pastruese të dhëmbëve. Shëndeti i dhëmbëve nuk mund të mendohet pa një higjenë të mirë të zvagrës së gojës, çka nënkupton heqjen e mbeturinave ushqimore nga sipërfaqet e dhëmbëve dhe nga hapësirat ndërmjet tyre, për të penguar rritjen dhe fiksimin e pllakës dhëmbore.